Informasjon

Vi ønsker alle som vil delta i Enivest Sunnfjord Ultra velkomen til neste løp. Datoen er sett til laurdag 12. juli 2025.
 

Meld deg på

Ofte stilte spørsmål

Vi oppmodar alle om å følgje godt med på nettsida og oppdateringar på Facebook. Det finst nokre ofte stilte spørsmål, som vi svarer på nedanfor, og som du òg vil finne svar på under fana Nyhende og i nyhendearkivet på nettsida.

KOR TID OG KVAR ER DET UTDELING AV STARTNUMMER?

Utdeling av startnummer skjer fredag 12. juli 2024 mellom klokka 16 og 19 i Sentrum Sør utanfor Spenst. Vi har ikkje høve til å dele ut startnummer på løpsdagen utan i heilt særskilte tilfelle. Om det blir problem å hente fredag, gjer heller avtale om at andre hentar for deg, eller at du får henta det før fredagen.

KORLEIS ER UNDERLAGET OG LØYPEPROFILEN?

Samla høgdemeter er ca. 2 000. Løypa er sånn cirka fordelt med grus, fordelt på sti og mest på traktorveg dei første 11 km (etter at de har sprunge ca. 700 meter for å kome ut av Førde sentrum), asfalt i ca. 19 km, på lite trafikkert bilveg, 3 km grusveg til depot, 17-18 km terrengdel (ganske krevjande til tider) merka med T-ar frå turlaget, 2-3 km grusveg/asfalt til du er i mål. Vi deler ut kart ved startnummerutdeling og det ligg GPX-fil som kan lastast ned på klokke her på nettsida. Vi sender denne på e-post til dei som vil det.

KORLEIS BLIR DET MED MAT OG DRIKKE UNDERVEGS OG I MÅL?

Deltakarane må sørge for å vere sjølvforsynte med det dei treng av mat og drikke undervegs. Men vi står ved ca. 19 km (Kvame i Bygstad) med focaccia med ost og skinke og ein halvliter cola til kvar. Det er som vanleg depot på Laukelandsstøylen, etter ca. 33 km. De kan naturlegvis ha mat og drikke i depotposane som de har levert inn ved start. Det er rimeleg god tilgang på drikke heile vegen, i bekkar, elvar og ferskvatn, særleg i siste delen som er terreng. I mål står Rivedal bygdelag for kiosk, og sal av betasuppe til løparane (betaling med Vipps eller kontant).

KVA ER TILRÅDD SKOTYPE?

Sidan vi har depot der vi går frå fast underlag til terreng, tilrår vi vanlege løpesko på første delen og terrengsko på siste delen. Alt de legg att ved depot blir frakta til målområdet etterpå.

ER DET MOGLEG MED TIDLEG START?

Svaret er naturlegvis ja. De gir beskjed ved startnummerutdeling kor tid de vil starte, så ordnar vi det slik at de blir sende av garde på dette tidspunktet. I fjor hadde vi start frå kl 0600 og tre ulike puljer før hovudstarten kl 0900.

KORLEIS KAN VI KOME OSS HEIM ETTER LØPET?

Vi har ikkje sett opp transport frå Rivedal til Førde eller andre stader etter løpet. Vi oppmodar alle om å sikre seg transport til dit dei skal. Det går ikkje buss frå Rivedal til Førde på denne tida laurdagen. Men, gi likevel beskjed om du har behov, så skal vi prøve å finne ei løysing. Det har ordna seg for alle tidlegare, og då klarer vi det i år òg.